Robbie Willimas anulon disa koncerte

Ai tha se është duke u shëruar nga një sëmundje e caktuar tash e pesë javë dhe sëmundja e detyroi që të kalojë disa ditë në kujdesin intensiv

Këngëtari i njohur britanik, Robbie Williams, është detyruar të anulojë disa koncerte. 43-vjeçari njoftoi se ka anuluar tri koncerte të parapara të mbaheshin në Rusi, e si arsye përmendi disa analiza mjekësore shumë serioze.

Në një video të ngarkuar në kanalin e tij personal në YouTube ish-ylli i bendit “Take That” tha se është duke u shëruar nga një sëmundje e caktuar tash e pesë javë dhe sëmundja e detyroi që të kalojë disa ditë në kujdesin intensiv.

“Fatkeqësisht kjo sëmundje më preku në fund të turneut tim, turne ky që po shkonte shumë mirë”, tha Williams. Por Robbie premtoi se do të bëjë më mirë dhe koncertet do të vazhdojnë.