Robert Prevost – Papa i ri

Keystone (AP Photo/Alessandra Tarantino)

Kardinali Robert Francis Prevost nga Shtetet e Bashkuara të Amerikës është zgjedhur papa i 267-të në histori.

69-vjeçari nga Chicago është Papa i parë nga SHBA-ja. Ai do të njihet si Leo XIV, transmeton albinfo.ch.

Konsiderohet si lider me eksperiencë të madhe që ka kaluar të gjithë karrierën në Amerikën Latine dhe ka shërbyer në zyrën e Vatikanit. Pritet të jetë vazhdues i reformave të nisura nga Papa Françesku.

Emri është nderim për Shën Leonin e Madh, duke sinjalizuar vazhdimësi me qëndrimet e tij të forta tradicionale të ruajtjes së parimeve të Kishës.

Mes emocionesh, Robert Francis Prevost turmën në sheshin e Shën Pjetrit, poshtë ballkonit ku mbajti fjalimin.

“Do të doja të ofroja një përshëndetje paqeje për të arritur familjet tuaja, të gjithë ju, kudo që të jeni. Paqja qoftë me ju. Njerëzimi ka nevojë për Krishtin si një urë që Zoti dhe dashuria e tij ta arrijnë. Na ndihmoni dhe ndihmoni njëri-tjetrin, ndërtoni ura”.

Papa Leoni XIV foli për vizionin e tij për Kishën Katolike si një Kishë që “ndërton ura” dhe angazhohet në biseda.

“Ne duhet të përpiqemi së bashku të jemi një kishë misionare. Një kishë që ndërton ura dhe dialog“, tha Papa, që u bëri thirrje njerëzve të jenë bamirës dhe të ndajnë dashuri me njëri-tjetrin.