Rojet bregdetare britanike shpëtojnë nëntë shqiptarë

Të njëjtit janë duke u hetuar si emigrantë të paligjshëm në Britaninë e Madhe.

Foto ilustrim

Rojet bregdetare britanike kanë shpëtuar nëntë shqiptarë, prej tyre tetë burra dhe një grua. Të njëjtit janë duke u hetuar si emigrantë të paligjshëm në Britaninë e Madhe.

Sipas mediave britanike nëntë personat u gjetën në një gomone që u nis nga kanali i La Manshit, ndërsa u gjetën në afërsi të portit Sovereign, raportojnë mediat shqiptare.

Roja bregdetare gjeti gomonen me nëntë pjesëtarë në bord, pasi u raportua zhdukja e saj pasi la Bolougne në Francë, përcjell albinfo.ch.

Mediat raportojnë se dyshohet se emigrantët janë nisur nga Shqipëria drejt Francës me destinacion Britaninë e Madhe, ku kanë kaluar në mënyrë të paligjshme në rrugë detare.