Rrëfehet dëshmitari që i mbijetoi tragjedisë në Bullgari

Ai ka treguar se e ka thyer xhamin e autobusit pasi që ishtë mbuluar gjithçka nga tymi.

Një nga të mbijetuarit e aksidentit tragjik që ndodhi në Bullgari ka treguar tmerrin që ka përjetuar,, pasi tha se nuk ka fjetur dhe ka parë gjithë ngjarjen me sy.

“Rasti ka ndodhur kah ora 2 i natës. I vetmi person që kam qenë zgjuar. Nuk kam fjetur dhe krejt rastin e kam parë me sy. Unë isha në këtë pjesën e majtë të autoubusit dhe e kam parë kur shkojke në anën e djathtë autobusi drejt bankina por nuk munda të lëshoj zë. Goditi bankinën dhe u bë një zhurmë e madhe. Të fejuarën e kapa. Filloi panik i madh. Autobusi u ndal. U bë krejt tym aty, unë për fat të mirë e kam marrë atë çekiçin e kam thyer xhamin. Kanë zbritur disa persona, pastaj edhe e fejuara ime. E kapa dhe e dërgova më larg 20 metra pasi u frikësova nga një shpërthim i mundshëm. Nuk ka pasur shumë trafik. Shoferët janë ndërruar nga Stambolli deri këtu. Nuk mund të them se nuk kanë bërë pauza”, tha ai për T7.

 

---