Rreth 300 kërkesa urgjente në ditë për pasaportën e Maqedonisë

pasaporta

Informacionet e fundit nga Komisioni i MPB-së për dhënien e pasaportave me urgjencë, që nga themelimi prej 10 ditësh ka shqyrtuar rreth 3 mijë kërkesa. Sipas burimeve të administratës policore, ky komision në bazë ditore miraton mbi 60% të kërkesave nga i gjithë vendi. Shumica e kërkesave të aprovuara për marrjen e pasaportave me prioritet janë për arsye mjekësore. Në numër më të ulët të këtyre kërkesave vijnë nga sektori i biznesit, të cilët i kanë të domosdoshme udhëtimet zyrtare jashtë shtetit, përcjell albinfo.ch.

“Volumi i kërkesave që refuzohen nga mospërmbushja e kritereve në të shumtën e rasteve janë nga qytetarët që duan të udhëtojnë për vizita familjare. Në aspektin teknik, shablloni i makinerisë shtyp nga 40 ekzemplarë njëherësh me procedurë të rregullt, gjë që vështirëson përzgjedhjen e kërkesave me prioritet, që janë bërë para se të formohet ky komision”, thonë nga Komisioni për shqyrtimin e kërkesave të pasaportave.