Rreth 500 njerëz protestuan në Bernë

Pixabay: Ilustrim

Rreth 500 njerëz demonstruan kundër diskriminimit ndaj njerëzve ‘queer’ në Bernë pasditën e sotme.

Ata morën pjesë në Christopher Street Day dhe ecën në një procesion nga Schützenmatte në Bundesplatz.

Sipas njoftimit para tubimit, njerëzit ‘queer’ ofendohen dhe diskriminohen në publik, teksa u tha se kjo ka pasoja negative dhe reflektohet, për shembull, në shkallën e vetëvrasjeve midis njerëzve ‘queer’, shkruan Blick.

Njerëzit të cilët janë gjithashtu të prekur nga forma të tjera të diskriminimit në veçanti ndihen të përjashtuar nga shoqëria, përcjell albinfo.ch.

Sipas komunikatës, Christopher Street Day përkujton trazirat e Stonewall më 28 qershor të viti 1969 në New York.

Në atë mbrëmje pati një bastisje të policisë në barin Stonewall Inn në Christopher Street, lokal i popullarizuar në komunitetin LGBT dhe konsiderohet vendlindja e lëvizjes për të drejtat LGBT.