Përpjekjet intenzive të qeverisë maqedonase nga kryeministri Zoran Zaev për zgjidhjen e kontestit të emrit me Greqinë, mbështetet nga shumica e popullatës vendase, shkruan “Der Standard”, duke ju referuar anketës së kryer në Ljublanë nga Instituti për studime ballkanike dhe lindjen e afërme (IFIMES). Plot 63 përqind të anketuarve mbështesin zgjidhjen e kontestit të emrit, 11 përqind janë kundër dhe 26 përqind nuk deklaruan mendimin e tyre. Anketa është kryer në fund të shkurtit, ndërsa në mes të marsit pritet që ministri i jashtëm grek Nikos Kotzias  të vizitojë Shkupin, transmeton albinfo.ch. Kontesti i emrit mes dy shteteve fqinje zgjat nga 1991 dhe sipas mediave të huaja katër emra janë në propozim për Maqedoninë: “Republika e Maqedonisë veriore”, Republika e Maqedonisë së Epërme”, “Republika Vardar-Maqedoni” dhe “Republika Maqedoni (Skopje).