Rrëzohet helikopteri i presidentit iranian

Foto ilustrim @unsplash

Helikopteri i presidentit iranian është rrëzuar sot në provincën e Azerbajxhanit Lindor. Ai vazhdon të jetë i zhdukur, e si rrjedhojë gjendja e tij mbetet e paqartë. Ministri i Jashtëm, Hossein Amirabdollahian, ishte gjithashtu në bordin e helikopterit, transmeton albinfo.ch.

Tutje sipas zëdhënësit të organizatës humanitare “The Red Crescent”, tre punonjës të shpëtimit që po kërkonin helikopterin e rrëzuar janë zhdukur, teksa shtoi se operacioni i kërkim-shpëtimit do të ngadalësohet në të ardhmen e afërt pasi moti pritej të bëhej “shumë i ftohtë” dhe parashikohet më shumë shi.

Të gjitha burimet e ushtrisë do të përdoren për operacionet e kërkimit dhe shpëtimit, tha shefi i shtabit të ushtrisë iraniane, gjeneralmajor Mohammad Bagheri, raporton Reuters.