Rriten pagat dhe bie papunësia

Norma e papunësisë ra në nivelin më të ulët në 4 dekada prej 4.3%

Në Angli janë ngritur pagat. Të dhënat treguan se rënia për 9 muaj radhazi e pagave reale përfshirë bonuset ka përfunduar.

Ekonomia e Britanisë është ngadalësuar në vitin 2017 prej rritjes së inflacionit, gjë që solli tkurrjen e shpenzimeve konsumatore.

Zyra e Statistikave në Londër bëri të ditur se të ardhurat totale, përfshirë bonuset, u rritën me 2.8% në janar me bazë vjetore, që është rritja më e madhe që prej shtatorit 2015, përcjell albinfo.ch.

Duke përjashtuar bonuset, pagat patën rritje me 2.6%, në linjë me projeksionet, shkruan ‘scan’.

Norma e papunësisë ra në nivelin më të ulët në 4 dekada prej 4.3%.

Të dhëna të tjera treguan se qeveria britanike regjistroi një deficit buxhetor prej 1.3 miliardë funte gjatë shkurtit, duke e çuar deficitin në 11 muajt e vitit fiskal në 41.4 miliardë funte, në rënie me 5.7% nga e njëjta periudhë një vit më parë.