Rriten pasuritë e ngrira ruse në Zvicër

Sasia e aseteve të ngrira ruse në Zvicër po rritet. Aktualisht ajo qëndron në 7.4 miliardë CHF – më shumë se 1 miliard e gjysmë më shumë se vitin e kaluar.

Kjo ndodh edhe pse disa fonde janë shkrirë, pasi nuk ishin përmbushur kushtet ligjore.

Rritja vjen si pasojë e identifikimit të pasurive të tjera nga Prokuroria e Përgjithshme, të dyshuara për pastrim parash dhe shkelje të sanksioneve, transmeton albinfo.ch.

Përveç parave të gatshme, shteti ka sekuestruar edhe 14 prona, makina luksoze, avionë, vepra arti dhe instrumente muzikore.