Rriten pritjet gjatë fundjavës nëpër kufij

Pritjet në Merdarë janë rritur gjatë fundjavës, ashtu si edhe në disa nga pikat kufitare tjera, si te Dheu i Bardhë

Foto nga arkiva

Gjatë fundjavës janë rritur pritjet nëpër kufijtë e Kosovës, dhe kështu mërgimtarët po duhet të presin më shumë, si duke hyrë, ashtu edhe duke dalë.

Siç njofton Qendra Kombëtare për Menaxhim Kufitar e Kosovës, pritjet më të mëdha janë në Merdarë, raporton albinfo.ch.

Kështu pritja në kufi është një orë, kurse në dalje më shumë se tre orë, ku gjatë ditës ka shkuar edhe në katër orë.

Por, pritje ka pasur edhe në pikat tjera kufitare. Kështu te Dheu i Bardhë, pritjet kanë qenë më shumë se dy orë, për dallim nga dalja që ishte vetëm 20 minuta. Në Mutivodë për të hyrë duhet të presësh rreth 40 minuta.