Rritet numri i aksidenteve në komunikacion në Kosovë

Pixabay - Aksident - Alexas_Fotos

Në 24 orët e fundit në Kosovë kanë ndodhur 94 aksidente. Kështu ka bërë të ditur Policia e Kosovë, duke bërë të qartë se ka një shtim të aksidenteve.

Sipas të dhënave të publikuar nga Policia e Kosovës, 30 aksidente ishin me persona të lënduar, kurse 64 tjerë raportohet të kenë qenë vetëm me dëme materiale, transmeton Albinfo.ch.

Policia njofton se ka shqiptuar edhe 1 mijë e 286 tiketa trafiku për shoferët që nuk kanë respektuar rregullat e komunikacionit.

Për gjatë 24 orëve të fundit, policia ka arrestuar edhe 16 persona, ku 10 prej tyre janë dërguar në mbajtje dhe një në vuajtje të dënimit./Albinfo.ch