Rritet paga minimale në Gjermani

Ora nga 8.84 euro do të paguhet 9.19 euro, derisa më 2020 do të ngritet në 9.35

Një lajm i mirë për të gjithë punëtorët në Gjermani, sidomos, ata të cilët kanë marrë paga minimale.

Qeveria gjermane ka vendosur që të rritë pagën nga 8,84 euro për orë, siç ka qenë deri më tani në 9,19 euro për orë, shkruan albinfo.ch.

Në vitin 2020, ora do të paguhet të paktën 9,35 euro. Kështu ka vendosur qeveria gjermane.

Sipas Zyrës Gjermane të Statistikave, rreth 1.4 milion njerëz morën një minimum në prill të vitit të kaluar, ndërsa 800,000 njerëz të tjerë fitonin më pak se minimumi.

Gjermania është duke përjetuar një boom ekonomik, duke pasur papunësi prej 4.9 %, më e ulëta, që nga bashkimi i Gjermanive, gati tri dekada.

---