Rritje e numrit të udhëtarëve në Aeroportet në Shkup dhe Ohër

Është rritur numri i udhëtarëve në dy aeroportet ndërkombëtare në Maqedoninë Veriore

Numri i pasagjerëve në aeroportet ndërkombëtare të Maqedonisë së Veriut, në Shkup dhe Ohër, ka shënuar rritje 11.0% në vit në 1,459,336 pasagjerë gjatë 7 muajve të 2019.

Në korrik të këtij viti, aeroportet ndërkombëtare të Maqedonisë së Veriut u kanë shërbyer rreth 295.669 pasagjerëve, duke shënuar një rritje prej 8.1% në krahasim me të njëjtën periudhë të një viti më pare, shkruajnë mediat shqiptare.

Grupi Aeroports de Paris (ADP) zotëron 46,12% të aksioneve në aeroportet TAV të Turqisë, kompanisë që operon në aeroportet e Maqedonisë së Veriut në Shkup dhe në Ohër, përcjell albinfo.ch.

Në 12 muajt e fundit, aeroportet e Shkupit dhe Ohrit kanë shënuar një rritje prej 10.5% në numrin e pasagjerëve, duke shkuar në 2,487,295.

---