Rritje jonormale të qirasë raportohen në qytetet zvicerane

Rritje 'disproporcionalisht të larta' të qirasë raportohen në qytetet zvicerane

Në gjysmën e parë të vitit 2023 qiratë në gjithë Zvicrën u rritën me 1.8 për qind, sipas një studimi të publikuar nga Homegate të enjten, përcjell albinfo.ch.

Ndër qytetet, Cyrihu pa rritjen më të lartë të çmimeve të qirave – 8.2 për qind – e ndjekur nga Lugano (3.7 për qind) dhe Gjeneva (2.6 për qind) – një rritje “disproporcionale e lartë” në krahasim me të njëjtën periudhë të vitit 2022, tregoi studimi.

Ndërsa kostot më të larta operacionale ishin pjesërisht përgjegjëse për rritjen, Homegate vuri në dukje mungesën e banesave si arsyen kryesore për qiratë më të larta.

Faktorë të tjerë përfshijnë fluksin e vazhdueshëm të emigrantëve, si dhe kërkesën e përgjithshme më të lartë të nxitur nga rritja e normave të hipotekave, të cilat po shtyjnë më shumë njerëz të marrin me qira në vend që të blejnë prona.

---