Sa banorë, aq turistë, Tirana synon të ketë 1 milion vizitorë në vit

Ambicia jonë është që Tirana të kapë 1 milion këtë vit. Pra, të kemi aq turistë sa kemi edhe banorë”, është shprehur Veliaj

Kryeqyteti i Shqipërisë, Tirana, është kthyer në një destinacion mjaft të rëndësishëm turistik, ku mund të gjesh përditë turistë nga rajoni, Evropa si dhe mbarë bota.

Kryetari i bashkisë së Tiranës, Erion Veliaj gjatë mbledhjes së Këshillit Bashkiak theksoi se në 4-mujorin e parë të këtij viti kryeqyteti shqiptar është vizituar nga 300 mijë turistë dhe se qëllimi i bashkisë është që të arrihet deri në 1 milion deri në fund të vitit.

“Ambicia jonë është që Tirana të kapë 1 milion këtë vit. Pra, të kemi aq turistë sa kemi edhe banorë”, është shprehur Veliaj, shkruan “ATSH”.

Në funksion të turistëve dhe banorëve të kryeqytetit bashkia do të vendosë në përdorim edhe 4 mijë biçikleta të reja, përcjell albinfo.ch.