Schulz: Nuk gjunjëzohemi para Erdoganit

Martin Schulz është shprehur disa herë për dhënien fund të negociatave të anëtarësimit me qeverinë në Ankara

Kandidati për kancelar i socialdemokratëve, Martin Schulz në një intervistë për “Deutsche Wellen”, është shprehur se në rast nevoje do të prishte marrëveshjen me Turqinë për refugjatët.

“Po qe se ju fluturoni nesër në Turqi për të bërë një kronikë, unë nuk mund t’iu garantoj, se nuk përfundoni në burg”, është shprehur kreu socialdemokrat në adresë të gazetarëve, duke theksuar se kjo bie tërësisht ndesh me parimet e BE-së, përcjell albinfo.ch.

Schulz është shprehur disa herë për dhënien fund të negociatave të anëtarësimit me qeverinë në Ankara. Në rast nevoje ai u shpreh për DW, se do të dorëzonte edhe bashkëpunimin me Turqinë për refugjatët. “Sidoqoftë nuk do të bie në gjunjë para Erdoganit. Nuk duhet të lejosh të bëhet presion”, ka shtuar ai.

Gjithashtu Schulz bëri të qartë se, në rast se ai bëhet kancelar do të bisedojë më vendet e BE-së që refuzojnë, të pranojnë refugjatë. Kandidati për kancelar kërcënoi Hungarinë hapur me ristrukturime të buxheteve të BE-së. 700 miliardë euro në BE janë për t’u ristrukturuar në vitet e ardhshme. “Solidariteti është parim, tek financimi, por edhe tek pranimi i refugjatëve”, nënvizoi ai.