Së paku 57 viktima nga zjarri në Portugali

Aktualisht janë rreth 700 zjarrfikës të cilët me më shumë se 200 makina zjarrfikëse po mundohen ta luftojnë zjarrin

Zjarri i madh që ka shpërthyer në pyjet e Portugalisë, në regjionin Pedrógão Grande, ka shkaktuar së paku 57 viktima, bëjnë të ditur autoritetet e vendit, raportojnë mediat ndërkombëtare. Shumica kanë humbur jetën pasi që flakët i kanë kapur në makinat e tyre në përpjekje për të ikur nga zjarri. Afër 60 persona të tjerë po në këtë mënyrë kanë pësuar djegie nga zjarri i madh.

Autoritetet njoftojnë më tutje se disa fshatra janë të kërcënuara nga zjarri, i cili ka shpërthyer në katër pika të ndryshme. Aktualisht janë rreth 700 zjarrfikës të cilët me më shumë se 200 makina zjarrfikëse po mundohen ta luftojnë zjarrin. Ndihma me aeroplanë zjarrfikës kanë ardhur po ashtu edhe nga Spanja dhe nga Franca.

Autoritetet po hulumtojnë shkakun e zjarrit më të madh që ka ndodhur në Portugali prej dekadash.