Sekuestrohen 1.3 tonë kanabis në Shqipëri, arrestohen 11 persona

Policia shqiptare gjithashtu ka bërë të ditur se deri më tani në vitin 2016 ka shkatërruar 1.8 milionë bimë kanabis, tri herë më shumë se në vitin 2015

Policia shqiptare ka bërë të ditur se ka konfiskuar 1.3 tonë kanabis, së bashku me shumë armë dhe municion, në një shtëpi të pabanuar rreth 33 kilometra në veri të kryeqytetit, Tiranës, shkruan ‘nzherald.co.nz’.

Në deklaratën për media, policia ka theksuar se janë arrestuar 11 banorët lokalë dhe mund të përballen deri në 20 vjet burg, nëse shpallen fajtorë se ishin përgjegjës për të shitur drogën, përcjell albinfo.ch.

Policia shqiptare gjithashtu ka bërë të ditur se deri më tani në vitin 2016 ka shkatërruar 1.8 milionë bimë kanabis, tri herë më shumë se në vitin 2015, derisa ka kapur edhe tone të barnave të destinuara për Evropën Perëndimore.

Shqipëria vazhdon të ballafaqohet me fenomenin e rritjes së drogës, derisa autoritetet po bëjnë çmos për të zhdukur këtë dukuri.