Sekuestrohen 5 tonë marihuanë nga Shqipëria, arrestohen 10 shqiptarë

Vetëm një ditë pasi u kapën një sasi e madhe e kokainës në Portin e Durrësit një tjetër sasi e madhe droge është kapur, por kësaj radhe nga policia në Itali dhe dyshohet se vinte nga Shqipëria.

Mediat italiane shkruajnë se policia italiane ka sekuestruar 5 tonë drogë dhe ka arrestuar 25 persona, në mesin e tyre dhjetë shqiptarë, përcjell albinfo.ch.

Kjo sasi e lëndës narkotike ka vlerën e dhjetë milionë eurosh në treg. Policia italiane ka publikuar pamjet e operacionit të saj që rezultoi të jetë i suksesshëm. Emrat e shqiptarëve të arrestuar janë: Indrit Buja, 37 vjeç, Elvis Hajdini, 25 vjeç, Shefik Muho, 63 vjeç, Gentian Sulejmani, 41 vjeç nga Durrësi, Luan Tahiraj, 39 vjeç nga Vlora, Alban Sinani, 35 vjeç, Vladimir Leskaj, 59 vjeç nga Vlora, Vilson Nelaj, 32 vjeç, Astrit Paskali, 45 vjeç dhe Adrian Licaj, 51 vjeç.