Udhëtarët serbë nuk lejuan aeroplanin e linjës Dusseldorf-Beograd të ateronte në Prishtinë

U nis nga Dusseldorfi dhe destinacion kishte Beogradin. Aeroplani i kompanisë ‘Eurowings’, në pamundësi të ateronte në destinacion, lajmëroi udhëtarët se do të ateronte në Prishtinë. Por ky lajmërim nxiti reagime te udhëtarët, të cilët nga paniku nuk lejuan aterimin në Prishtinë.

Ngjarja mësohet të ketë ndodhur të dielën, siç raporton gazetari kroat, Zoran Kusovac.

“Pasi dëgjuan për destinacionin e ri, pasagjerët, shumica serbë, u çmendën. Ekuipazhi alarmoi kapitenin për mundësinë e trazirës dhe fluturimi u kthye drejt Budapestit”, ka shkroi Kusovac në Twitter.