Sërish atakohet eskorta e kryeministrit Mustafa

Sipas Policisë, sot në mëngjes derisa kryeministri po shkonte në Qeverisë, disa persona e kanë sulmuar me mjete të metalta, eskortën e Mustafës

Pas gjuajtjes me vezë në Kuvendin e Kosovës, kryeministri Isa Mustafa edhe sot ka qenë cak i sulmeve. Sipas Policisë, sot në mëngjes derisa kryeministri po shkonte në Qeverisë, disa persona e kanë sulmuar me mjete të metalta, eskortën e Mustafës, duke shënuar kështu sulmin më serioz të ditëve të fundit.

Sipas zyrës për informim në Policinë e Kosovës, njësitë policore kanë intervenuar menjëherë dhe kanë parandaluar veprimin e personave të dyshuar, të cilët po i afroheshin eskortës në lëvizje të kryeministrit. “Ngjarja ka ndodhur në sot rreth orës 07:58, në rrugën “Lidhja e Prizrenit”.

“Njësia policore e mbrojtjes së afërt janë vërejtur dy persona të dyshuar të cilët kanë tentuar ta sulmojnë eskortën e kryeministrit e cila ka qenë në lëvizje. Njësitë policore kanë intervenuar menjëherë dhe kanë parandaluar veprimin e personave të dyshuar, të cilët gjatë ikjes kanë lenë prapa tri qese të letrës në të cilat ka pasur mjete të forta, copëza metali të cilat shërbejnë për shpuarjen e gomave, si dhe një telefon celular”, thuhet në njoftim.

Sipas Policisë, sa i përket lëvizjes se eskortës së kryeministrit nuk ka pasur asnjë incident dhe e njëjta ka vazhduar lëvizjen pa probleme, ndërsa lidhur me rastin janë duke u kryer të gjitha veprimet e nevojshme policore.