SHBA, 16 vjet burg shqiptarit për terrorizëm

Për shkak të përpjekjeve për të udhëtuar nga Nju Jorku në Pakistan, për t’iu bashkuar një grupi terrorist, Agron Hasbajramaj është dënuar me 16 vjet burgim në SHBA

Agron Hasbajrami, 312 vjeçar ka pranuar fajësinë për konspiracion për të mbështetur terroristët. I arrestuar për shkak të përpjekjeve për të udhëtuar nga Nju Jorku në Pakistan, për t’iu bashkuar një grupi terrorist, ai është dënuar me 16 vjet burgim në Shtetet e Bashkuara të Amerikës.

Hasbajramaj është zhvendosur në Shtetet e Bashkuara në vitin 2008 dhe ka qenë banor i ligjshëm në Bruklin të Nju Jorkut, përpara se të arrestohej në shtator të vitit 2011.  Prokurorët kanë thënë se ai do të dëbohet pas lirimit.

Prokurorët kanë thënë se Hasbajrami ka shprehur dëshirën e tij për të vdekur si martir, gjatë shkëmbimit të emaileve me një individ të paidentifikuar në Pakistan, i cili ka thënë se është anëtar i një grupi të armatosur që ka vrarë ushtarë amerikanë dhe ka rrëmbyer shtetas perëndimorë.

Hasbajramaj nuk është shqiptari i parë nga Ballkani që është dënuar në SHBA për mbështetje apo simpatizim të grupeve terroriste në lindjen e mesme dhe në Azi. Para tij janë dënuar edhe disa shqiptarë të tjerë nga Dibra, Gjilani, përfshirë edhe Avni Osmankaq nga Prizreni me 40 vjet heqje lirie.