SHBA dhe shtetet arabe pajtohen se kontrolli i Hamasit në Gaza nuk mund të vazhdojë

Blinken

Sekretari amerikan i Shtetit, Antony Blinken, ka njoftuar sot se Washingtoni dhe shtetet arabe besojnë se status quo-ja e Gazas e kontrolluar nga Hamasi nuk mund të vazhdojë, teksa ka thënë se ka diskutuar me homologët e tij arabë se si të përcaktojë rrugën më të mirë përpara një “zgjidhje dyshtetesh”.

Në konferencën për shtyp në Aman, Blinken me homologët egjiptianë dhe jordanezë deklaroi se Washingtoni ishte i shqetësuar për dhunën nga kolonët ekstremistë në Bregun Perëndimor, përcjell albinfo.ch.

Ndryshe, sipas tij, Shtetet e Bashkuara të Amerikës besojnë që armëpushimi në ofensivën ushtarake të Izraelit në Gaza do ta lejonte grupin militant palestinez Hamas të rigrupohet dhe të kryejë sulme të ngjashme me atë të 7 tetorit.