SHBA ia shet Arabisë sistemin e mbrojtjes nga raketat

Ky sistem do të forcojë sigurinë në Arabi kundër Iranit dhe kërcënimeve të tjera në regjion, ka theksuar qeveria amerikane

Qeveria Amerikane ka aprovuar shitjen drejt Arabisë të sistemit të mbrojtjes nga raketat “Terminal High-Altitude Area Defense (Thaad)”.

Departamenti i Shtetit ka thënë se marrëveshja prej 15 miliardë dollarëve shtyn përpara interesat e sigurisë kombëtare si dhe të politikës së jashtme.

Po ashtu ky sistem do të forcojë sigurinë në Arabi kundër Iranit dhe kërcënimeve të tjera në regjion, ka shtuar qeveria amerikane, shkruan Albinfo.ch.

Ky njoftim vjen vetëm një ditë pasi Arabia Saudite arriti marrëveshjen për të blerë sistemet e mbrojtjes ajrore nga Rusia.