SHBA-ja do të pranojë shumë më pak refugjatë

Kein Medienereignis mehr war die Ankunft des zweiten Flugzeugs mit Fluechtlingen aus dem Kosovo auf dem Flughafen Zuerich-Kloten, am Montagabend, 10. Mai 1999. Die rund 156 Personen - unter ihnen fuenf Kleinkinder und drei Verletzte oder Kranke - werden in die Fluechtlingsempfangstelle in Kreuzlingen TG und ins Transitzentrum in Altstaetten SG verteilt. (KEYSTONE/ROY YUVAL)

Administrata amerikane tha se planifikon të lejojë vetëm 18.000 refugjatë të strehohen në Shtetet e Bashkuara, në vitin fiskal 2020. Ky është numri më i ulët në historinë e programit të refugjatëve.

“Barra aktuale për sistemin e imigracionit amerikan duhet të lehtësohet para se të jetë përsëri e mundur të pranojmë një numër të madh të refugjatëve”, tha Departamenti i Shtetit në një deklaratë, përcjell albinfo.ch.

Në të njëjtën kohë, presidenti Donald Trump lëshoi një urdhër ekzekutiv, duke thënë se administrata e tij do të kërkonte miratimin e qeverive shtetërore dhe lokale për të sistemuar refugjatët në komunitetet e tyre.

Çështja e migrantëve ka qenë ndër prioritetet kryesore të presidentit amerikan, Donald Trump, që nga marrja e detyrës në janar të vitit 2017.

Një nga aktet e tij të para pas marrjes së detyrës ishte lëshimi i një urdhri që lejonte numrin maksimal të refugjatëve atë vit në 50.000, më pak se gjysma e numrit që ish-presidenti Barack Obama kishte caktuar disa muaj më parë.