SHBA mbështet trajnimin e pilotëve ukrainas për F-16

F-16, Pixabay

Bëhet e ditur se Presidenti i SHBA-së, Joe Biden, do të lejojë pilotët ukrainas të stërviten me avionë luftarakë amerikanë F-16, shkruan DW.

Një vendim për dorëzimin e avionëve të prodhuar nga SHBA në Ukrainë do të pasohet në një datë të mëvonshme, sipas një burimi të mediumit.

Biden u tha udhëheqësve të tjerë të G7 se Shtetet e Bashkuara do të mbështesin trajnimin e pilotëve ukrainas në avionët luftarakë të gjeneratës së katërt, duke përfshirë F-16, përcjell albinfo.ch.

Ndërsa trajnimi është në vazhdim, koalicioni i vendeve pjesëmarrëse në përpjekje do të vendosë në një datë të mëvonshme se kur do të sigurojë avionë, sa do të sigurojë dhe kush do t’i sigurojë ato.

Trajnimi do të zhvillohet jashtë Ukrainës në vende në Evropë dhe do të zgjasë për disa muaj dhe pritet të fillojë në javët në vijim, shkruan DW.