SHBA: Mbi 80 mijë të vdekur nga Covid-19

Sipas të dhënave të Universitetit Johns Hopkins, SHBA-ja ka 80,682 viktima nga koronavirusi, më shumë se çdo vend tjetër në botë.

Vetëm gjatë 24 orëve të fundit janë regjistruar 830 viktima të reja nga pandemia e koronavirusit.

Ky vend ka po ashtu numrin më të madh të të infektuarve: mbi 1.3 milion.

Shifrat e fundit vijnë pasi disa vende në Evropë kanë lehtësuar tutje masat e izolimit të hënën.

Edhe guvernatori i Nju-Jorkut, shtetit më të goditur amerikan, ka thënë se hapja e ekonomisë atje do të rinisë më 15 maj.

Andrew Cumo ka thënë se kurba e të infektuarve të rinj në Nju-Jork ka rënë ndjeshëm dhe se tani ndodhet në nivelin e 20 marsit, kur ka pasur afro 520 raste të reja, përcjell Albinfo.ch.