SHBA: Hetime për sëmundjen misterioze të diplomatëve amerikanë në Vjenë

Qeveria amerikane është duke hetuar një seri incidentesh shëndetësore që kanë ndodhur në kryeqytetin austriak, Vjenë, që përfshijnë diplomatët e saj dhe stafin tjetër të administratës.

Më shumë se 20 zyrtarë kanë shfaqur simptoma të ngjashme me “Sindromën Havana”, një sëmundje misterioze e trurit që kur Presidenti Joe Biden mori detyrën në janar.

Sindroma është e pashpjegueshme, por shkencëtarët amerikanë thonë se ka shumë të ngjarë të shkaktohet nga rrezatimi elektromagnetik.

Ajo u gjet për herë të parë në Kubë gjatë periudhës së viteve 2016-17, shkruan BBC.

Diplomatët amerikanë dhe kanadezë në Havana u ankuan për simptoma, duke filluar nga marramendja, humbja e ekuilibrit, humbja e dëgjimit dhe ankthi, të cilat ata i përshkruajnë si “mjegull”.

SHBA-ja e akuzoi Kubën për kryerjen e “sulmeve zanore”, të cilat ajo i mohoi dhe incidenti çoi në rritjen e tensionit midis dy kombeve.

Një studim akademik amerikan i vitit 2019 zbuloi “anomali të trurit” në diplomatët që ishin sëmurë, por Kuba e hodhi poshtë raportin.