SHBA vazhdon presionin ndaj Kosovës për formimin e Asociacionit

Kosova duhet të gjejë mekanizma që atë ta zbatojë duke respektuar Kushtetutën e saj, tha zëvendësndihmëssekretari amerikan i Shtetit, Mathew Palmer

Zëvendësndihmëssekretari amerikan i Shtetit, Mathew Palmer, thotë se marrëveshja për Asociacionin e komunave me shumice serbe është obligim, të cilin e kanë marrë institucionet e Kosovës dhe duhet ta zbatojnë! Ai tha se Kosova duhet të gjejë mekanizma që atë ta zbatojë, duke respektuar Kushtetutën e saj.

“Miroslav Lajçak dhe ekipi i tij i BE-së do të thonë se marrëveshja do të jetë ligj për të dy palët dhe duhet të zbatohet”, thotë Palmer.

“Përmes marrëveshjes së Berlinit dhe BE-së janë arritur marrëveshje që duhet të zbatohen dhe të arrihet marrëveshje shtesë që do t’ua hapin rrugën. Nëse të gjithë e kuptojnë se luftojnë për raport normal, i cili do t’u hapë rrugën drejt BE-së, edhe për Serbinë, edhe për Kosovën, ekziston hapësirë për kompromis dhe progres’, shtoi ai, përcjell Albinfo.ch.

“Kosova i pranoi obligimet ndaj pakicës serbe dhe patjetër t’i plotësojë’, tha ai për RTV21.

Palmer tha se Kosova duhet të gjejë mekanizma që atë ta zbatojë duke respektuar Kushtetutën e saj.

‘Ekzistojnë mekanizma përmes të cilëve Kosova mund të zgjidhë këtë çështje në përputhje me Kushtetutën e vet.

 

---