Shefi i trafikimit të 50 vajzave kosovare, para gjykatës

Kreu i klanit, i dyshuar për trafikim të vajzave adoleshente, u paraqit dje para drejtësisë së Nancy. I akuzuari gjendet tani për tani në burg. Edhe pse e mohon “trafikimin”, ai pranon të paktën transaksionin financiar, duke shpjeguar se bëhet fjalë për “një praktikë të lashtë”.

38-vjeçari, anëtar i komunitetit rom në Ballkan, me banim prej vjetësh në Valdahon (Francë), u arrestua pasi u kthye nga Kosova, ndërsa ishte i shoqëruar nga një qytetar i Kosovës. “Ai kishte shkuar atje për të kërkuar babain e një adoleshenteje për t’i dëshmuar atij bujarinë e tij”, shpjegon zëvendësprokurori Remi Coutin, duke dhënë pozitën mbrojtëse të të akuzuarit. Shoqëruesi i këtij të fundit është paditur gjithashtu dhe mbahet në paraburgim.

Të martën e kaluar u arrestuan shtatë anëtarë të udhëheqësit të kësaj familjeje të vendosur në komunën Valdahon (Francë) dhe në Maiche (Francë), si dhe në Gjermani. Në total, katër persona u patën burgosur, ndërsa një duzinë kishte marrë aktakuzë. Albinfo.ch mbuloi këtë rast me një shkrim të titulluar: 50 vajza kosovare trafikohen nga bashkatdhetarët e tyre.

Sipas një burimi të prokurorisë, femrat janë blerë nga familjet e tyre në Maqedoni dhe në Kosovë për shuma që silleshin nga 1.000 deri në 1.500 € dhe shiteshin për 10.000 €.