Shesin pronat edhe online, për të dalë jashtë vendit

Në webfaqet e shumta për shpallje, kohëve të fundit vërehen shumë oferta për gjësende në shitje, me arsyetimin “se do të dal jashtë vendit”

“Është i bukur, veç më duhen paratë për të dalë jashtë vendit, se nuk do e shitja”, shkruhet në një shpallje të shitjes së një Golf 2 1.9. Siç transmetin koha.net, shpjegime të tilla në portalet për shitje-blerje mund të gjenden me një kërkim të thjeshtë në Google.

“Shes viçin urgjent, se po dal jashtë vendit”, tregon një tjetër në një shpallje të postuar online.

Mes tjerash, në webfaqe të tilla me arsyetimin se po ikin jashtë ka në shitje edhe shtëpi, orendi, pajisje e madje edhe biznese të gatshme për punë.

Shitjen e pronave e të pasurive të tjera, për të marrë rrugën që s’premton fat më të mirë se që e ka në Kosovë, e kanë pohuar publikisht edhe viktimat e këtij mashtrimi trafikantësh, madje jo më larg se para tri netësh përmes KTV-së dhe nga Austria.