Shitet libri më i shtrenjtë në botë

Mediat e huaja shkruajnë se një Bibël Hebraike 1100-vjeçare u shit nga shtëpia e ankandeve Sotheby’s në Nju-Jork me shifrën kolosale të 38.1 milionë dollarëve, përcjell albinfo.ch.

Për shumë ekspertë, ky çmim është rekordi i të gjitha kohëve për një libër apo dorëshkrim që nuk ishte regjistruar kurrë më parë në një ankand.

“Kodi Sassoon”, u shfaq në treg për herë të parë mbi 30 vjet më parë, kur u ble nga ish-ambasadori i SHBA-së në Rumani, Alfred Moses. Ai dhe familja e tij e morën librin dhe ia dhuruan Muzeut Anu të Popullit Hebre në Tel Aviv.

Në këtë ankand librit iu deshën 4 minuta për të arritur në shifrën e 38 milonë dollarëve, duke kaluar në këtë mënyrë dhe Kodin e Lecesterit të Leonardos që u ble nga Bill Gates për 30 mln USD në vitin 1994.