Shitet ‘Pink Promise’, por s’thyen rekord

Një diamant gjigant rozë, është shitur për 32 milionë dollarë, duke e bërë atë pjesën më të shtrenjtë të stolisë së shitur ndonjëherë nga shtëpia e ankandeve Christie’s në Hong Kong ndonëse nuk ia doli që të thyente rekordin botëror.

Diamanti me 14.93 karatë në formë ovale, i njohur si Pink Promise iu shit një blerësi anonim, e që thuhet se është koleksionues privat.

Në këtë ankand ishte objekti kryesor që kishte dalë në shitje, përcjell albinfo.ch.

Rahul Kadakia, kryetar për stoli në shtëpinë e ankandeve tha se është shumë e rrallë që një diamant i kësaj forme dhe madhësie të del në ankand.

Në vitin 2009 Christrie’s kishte shitur një të ngjashëm prej 5 karatëve për shumë rekorde.