Shkencëtarët: Kanabisi mund të jetë duke jua ‘thyer’ zemrën

Keystone ( AP Photo/ Ermindo Armino)

Një studim i ri mund të ketë zbuluar një lidhje të mundshme mes tymosjes së marihuanës dhe një gjendje të njohur si “sindroma e zemrës së thyer”.

Përderisa nuk dihet nëse sindroma është vdekjeprurëse për përdoruesit e kanabisit, hulumtuesit thonë se ata duhet ta kontrollojnë më shpesh shëndetin e zemrës.

Tymosja e kanabisit mund të jetë duke e dyfishuar rrezikun e stresit kardiomipatik, transmeton Telegrafi.

Kjo gjendje bën që presioni intensiv fizik apo emocional mund të shpijë në dobësimin e muskujve të zemrës, duke shkaktuar dhimbje në gjoks, marramendje, probleme me frymëmarrje etj.

Sëmundja e njohur ndryshe si “sindroma e zemrës së thyer” në përgjithësi nuk është vdekjeprurëse, përdoruesit e kanabisit duhet të kenë kujdes, sepse mund të kenë rrezik më të madh të arrestit kardiak.

Nëse tymosni kanabis dhe zhvilloni simptoma, si dhimbja në gjoks dhe problemet me frymëmarrje, atëherë menjëherë duhet të shkoni te doktori më i afërt për t’u siguruar që nuk po keni probleme me zemër.