Shkon në mbi 800 numri i të vdekurve nga tërmeti në Afganistan

@pixabay

Mbi 800 njerëz kanë vdekur dhe rreth 3.000 janë lënduar rëndë nga një tërmet që goditi Afganistanin lindor, njoftuan autoritetet të hënën.

Tërmeti me magnitudë 6 ra në mesnatë, në një thellësi prej 8 kilometrash, duke shkatërruar shtëpitë prej balte dhe guri në kufi me rajonin Khiber Paktunkva të Pakistanit, transmeton albinfo.ch.

Një tërmet tjetër, me magnitudë 4.5, goditi rajonin rreth 20 minuta më vonë, i ndjekur nga një tjetër lëkundje me magnitudë 5.2, sipas Qendrës gjermane të Kërkimeve për Gjeoshkenca (GFZ).