Shkurti, muaji ku do të bëhen shumë martesa në Zvicër

Arsyeja janë datat 2.2.2022 dhe 22.2.2022

Ndërsa shumë çifte pëlqejnë të thonë ‘të dua’ në ditën e Shën Valentinit, më 14 shkurt, ky vit është ndryshe.

Në shumë qytete, 2 shkurti dhe 22 shkurti janë pothuajse plotësisht të rezervuara për ceremonitë e dasmave. Kjo sepse data 2.2.2022 dhe 22.2.2022 janë të ashtuquajturat “data palindromike” – pra, të njëjtat përpara dhe prapa – të cilat shumë njerëz i marrin si shenjë fati, njofton albinfo.ch.

Një numër i zyrave të gjendjes civile në Cyrih, Bazel, Bernë, Vaud, Gjenevë dhe Valais raportojnë se janë të plota ose pothuajse në kapacitet të plotë për dasma në ato dy ditë, dhe disa madje duhej të punësonin personel shtesë për këto data.

 

---