Shpëtohen shtatë turistët e tjerë të bllokuar në Malin e Jezercës

Foto sc: Ministria e Brendshme e Shqipërisë

Pas disa orësh kërkimi janë gjendur dhe janë nxjerrë shtatë turistë, të cilët ishin bllokuar në Malin e Jezercës, ku para disa orëve u njoftua se një turiste kroate ka vdekur si pasojë e rrëshqitjes në një terren të thepisur, transmeton albinfo.ch.

Në pamjet nga Ministria e Brendshme e Shqipërsë shihet momenti kur ekipi i emergjencave civile gjen të vdekur alpinisten kroate. Në operacionin e kërkim shpëtimit mori pjesë edhe reparti i Kërkim Shpëtimit Malor të Kosovës, raporton TCH.

Pesë prej alpinistëve kroatë të ndihmuar nga Shërbimi i kërkim shpëtimit malor të Kosovës po kthehen tek mjetet e tyre në territorin e Malit të Zi, nga ku edhe kishin hyrë në territorin shqiptar, teksa dy turistë të tjerë kroatë u transportuan me helikopter në qytetin e Bajram Currit.