Shqipëri: 52 raste të reja me koronavirus, 36 të shëruar

Në Shqipëri gjatë 24 orëve të fundit janë kryer 328 testime për të dyshuar të prekur me Covid-19, nga të cilat janë konfirmuar 52 raste pozitive, kryesisht raste të reja në proces hetimi si dhe kontakte të rasteve të konfirmuara më herët pozitive.

Po ashtu është raportuar edhe për 36 të shëruar, duke e çuar në 1195 numrin e të shëruarve që nga fillimi i epidemisë.

Shpërndarja gjeografike e të identifikuarve pozitivë në 24 orët e fundit është si vijon: 22 të prekur në Tiranë, 9 në Vlorë, 7 në Krujë, 5 në Kurbin, 2 në Fier dhe nga 1 rast në Kamëz, Kavajë, Lezhë, Pukë, Rrogozhinë, Delvinë dhe Tepelenë.

Aktualisht 807 persona aktivë me COVID19, kryesisht në Tiranë, Shkodër, Durrës, përcjell Albinfo.ch.