Shqipëri: Procesi i votimit të emigrantëve për zgjedhjet e 25 prillit, drejt dështimit

Emigrantët shqiptarë duket se nuk do të votojnë dot as në zgjedhjet e 25 prillit.

Kur na ndajnë 70 ditë nga data e votimit, vetëm 800 emigrantë shqiptarë janë regjistruar nga 1.6 milionë të tillë, të cilët jetojnë jashtë territorit të Shqipërisë.

Me dashje apo pa dashje, politika po dështon në votimin e diasporës, shkruan TCh, përcjell Albinfo.ch.

Arsyet se përse emigrantët nuk do të votojnë as këtë vit janë të shumta. Më kryesoret pengesa teknike apo mungesë kohe, por me shumë se arsye, ato duken si justifikime.

E sigurt është se asnjë nga partitë shqiptare nuk është gati që të përballet me numrin e madh të votave të emigrantëve, mbi të cilat ato nuk mund të kenë ndikim direkt me mënyrat tradicionale të kontrollit të votës.