Shqipëri: Vdes 68 vjeçarja nga koronavirusi, shkon në 24 numri total i viktimave

(Photo by Miguel MEDINA / AFP)

Në Shqipëri është shënuar edhe viktima e 24 nga koronavirusi.

Bëhet fjalë për një 68 vjeçare nga qyteti i Tiranës.

Ministria e Shëndetësisë në Shqipëri ka njoftuar se pasditen e së hënës ka ndërruar jetë një 68 vjeçare e cila vuante edhe nga sëmundje bashkëshoqëruese.

“Ka ndërruar jetë sot në Spitalin Infektiv një paciente 68 vjeçare nga Tirana, me inicialet L.K., e cila trajtohej prej 10 ditësh në Shërbimin Infektiv në gjendje të rëndë, e intubuar”.

“68 vjeçarja e prekur nga Covid-19 vuante nga insufencenca renale dhe kishte kryer pesë seanca dialize brenda Spitalit Infektiv gjatë këtyre ditëve. Pavarësisht përpjekjeve maksimale të stafit mjekësor, 68 vjeçarja nuk ia doli të mbijetojë”, shkruhet në njoftimin e ministrisë, përcjell Albinfo.ch