Shqipëri: Vetëm 8 raste të reja me koronavirus në 24 orët e fundit

Në raportin e 24 orëve të fundit, nga 140 testimet e kryera, vetëm 8 raste janë konfirmuar pozitiv me COVID-19, tha Eugena Tomini nga Instituti i Shëndetit Publik.

Që nga fillimi epidemisë janë konfirmuar 803 raste të të infektuarve dhe 68% e tyre janë të shëruar.

Në të gjithë vendin aktualisht janë 229 persona me COVID-19, pjesa më e madhe e të cilëve po trajtohen nga mjeku i familjes.

“Aktualisht janë 34 pacientë të hospitalizuar dhe 7 prej tyre janë në terapi intenzive”, tha Tomini.

Në Shqipëri nga sot (4 maj) ka filluar lehtësimi i masave të izolimit.

Shërbimet e taksive do të lejohen vetëm me dy pasagjerë, anëtarë të së njëjtës familje.

Autoritetet shëndetësore kanë bërë thirrje për respektimin e distancës fizike dhe masave të tjera për të parandaluar përhapjen e koronavirusi, përcjell Albinfo.ch.