Shqipëria promovon arkeologjinë nënujore për turizëm

Gazeta prestigjioze amerikane “The Washington Post” i ka dedikuar një artikull për turizmin nënujor në Shqipëri si atraksion për të huajt

Bukuritë e Shqipëria janë të mëdha. Që nga plazhet e bukura, bukuritë natyrore, vendet historike, por bukuritë e saj janë edhe nënujore, ku ka shumë potenciale arkeologjike.

Për këtë ka shkruar edhe gazeta prestigjioze amerikane “The Washington Post” që i ka dedikuar një artikull për turizmin nënujor në Shqipëri si atraksion për të huajt.

Agjencia Kombëtare e Bregdetit realizoi një ekspozitë të hënën, me  30 fotografi që tregojnë gjetjet nënujore me rëndësi potenciale arkeologjike nga dekada e fundit.

Kreu i kësaj agjencie, Auron Tare thotë se kanë gjetur 38 mbetje në detin Jon, gjashtë prej tyre më shumë se 2000 vjeçare.

Sipas tij, Shqipëria ka nevojë për mbrojtje ligjore dhe kujdes më të mirë për ta bërë atë një destinacion turistik. Vendi nuk ka një industri zhytjeje, por kjo mund të ndryshojë në qoftë se gjetjet promovohen si duhet.