Shqipëria shënon 8 raste të reja me koronavirus

Në Shqipëri janë shënuar edhe 8 raste të reja me pandeminë e kornavirusit gjatë 24 orëve të fundit, kështu ka njoftuar Ministria e Shëndetësisë.

Sipas Ministrisë së Shëndetësisë shpërndarja gjeografike e rasteve vijon: 5 raste në Tiranë, 2 në Durrës dhe 1 në Krujë, kontakte të rasteve të mëparshme pozitive.  Ndërkohë të shëruar janë 6 qytetarë.

Kështu numri total që janë prekur nga Covid-19 në Shqipëri ka shkuar në 989. Prej tyre, rreth 79% janë të shëruar. Në vendin tonë aktualisht janë 175 persona aktivë me COVID19, kryesisht ne Tiranë, Durrës, Krujë, Shkodër. Gjatë 24 orëve të fundit janë testuar 200 qytetarë si të dyshuar të prekur me Covid19 dhe janë konfirmuar pozitivë 8 raste, përcjell Albinfo.ch.