Shqipëria shënon përparim në turizëm

Turizmi në Shqipëri çdo ditë e më shumë po shënon rritje, derisa tashmë janë edhe faqet ndërkombëtare që e konfirmojnë këtë.

Është ministrja e Zhvillimit Ekonomik, Milva Ekonomi, e cila ka bërë të ditur se Shqipëria është ndër top-15 vendet që kanë bërë ndryshime pozitive në këtë sektor dhe kanë bërë përparime për tetë vende, njofton albinfo.ch.

“Shqipëria rritet me +8 vende. Renditet në top 15 vendet me ndryshimet më të mëdha pozitive”, ka shkruar Ekonomi në rrjetet sociale.

Megjithatë, Shqipëria ende është larg. Nga 136 vende, Shqipëria renditet në vendin e 98-të.

Turistët e huaj në Shqipëri kapin shifrën e 3.7 milionë personave, derisa një turist shpenzon rreth 395 dollarë.