‘Shqiptarët duhet të përfaqësohen të paktën me 3 deputetë në Parlamentin e Serbisë’

Kështu deklaroi kryetari i listës 'Koalicioni i Shqiptarëve të Bashkuar', Shaip Kamberi

Kreu i listës Koalicioni i Shqiptarëve të Bashkuar, Shaip Kamberi, ka kërkuar angazhim më të madh nga shqiptarët në mënyrë që të kenë përfaqësim më të madh në Parlamentin e Serbisë.

Ai tha se shqiptarët duhet të përfaqësohen së palu nga 3 deputetë shqiptarë në parlamentin serb, përcjell Albinfo.ch.

“Ne duhet të kemi një angazhim sot që të ruajmë nivelin e përfaqësimit, minimumi do të ishte tre deputetë. Tjetër që është me rëndësi është vazhdimi i luftës politike për të drejtat e shqiptarëve në Luginën e Preshevës të cilat po na mohohen nga gjitha qeveritë me radhë. Nuk besoj se do të ketë një qeveri demokratike, përveç nëse rrethanat gjeopopitike që po krijohet do të ndikojnë në një proces të përshpejtimit të integrimit në BE, Serbia t’i përmbushë standardet e BE-së”, tha ai, transmeton Albinfo.ch.

Derisa votoi për zgjedhjet parlamentare të njejtën gjë nuk e bëri edhe për atp presidenciale. Kamberi dha arsyen pse nuk votoi pë Presidentin e ri serb që do të zgjidhet.

“Asnjë nga kandidatët që janë në garë për presidentë nuk ka pasur asnjë ofertë për pakicat e sidomos jo për shqiptarët”, tha ai.

---