Lajme

Shqiptari vret gruan me çekiç në Greqi, e njofton policinë pas një jave

E enjte, 5 Dhjetor 2024 - 20:40 albinfo.ch

Një ngjarje e rëndë raportohet se ka ndodhur në Ampelokipi të Athinës pasditen e kësaj të enjteje, ku një 39-vjeçar shqiptar ka vrarë gruan e tij dhe e ka fshehur trupin e saj në çati.

Sipas informacioneve, ai ka lajmëruar policinë ditën e sotme, një javë pas kryerjes së vrasjes.

Mediat greke raportojnë se autori ka goditur gruan me çekiç, duke i shkaktuar vdekjen.

Policia ka mbërritur menjëherë në vendngjarje dhe ka konstatuar erën e rëndë brenda banesës. Ndërsa në çati ka gjetur trupin e pajetë të gruas mbyllur në qese të zeza.

Identiteti i autorit dhe viktimës nuk dihet ende. Çifti jetonte në lagjen Ampelokipi.

 

 

 Të tjera nga Lajme

Mediat zvicerane i bëjnë jehonë shqiptarit që hyri në veturën në flakë për të shpëtuar katër të rinj

 E-Diaspora

 Jeta në Gjermani