Shtatë persona të zhdukur, pasi moti i keq goditi Francën juglindore 

Disa persona janë raportuar të zhdukur pasi stuhitë e dhunshme goditën një zonë të madhe të Francës juglindore mbrëmjen e së shtunës vonë, thanë autoritetet të dielën.

Pesë persona, duke përfshirë dy fëmijë, janë zhdukur në rajonin Gard, të cilët janë përfshirë nga përmbytjet, ndërsa përpiqeshin të kalonin urat me makinë të shtunën mbrëma, transmeton albinfo.ch.

Një baba dhe dy fëmijët e tij të moshës 4 dhe 13 vjeç u rrëmbyen në Dions, në veri të Nîmes, rreth orës 23:30 të së shtunës, dhe dy persona të tjerë në Goudargues, në veri të departamentit, rreth orës 5 të mëngjesit të së dielës, Frédéric Loiseau, tha në një konferencë për shtyp Sekretari i Përgjithshëm i Prefekturës.