Shteti i Kosovës zyrtarisht bëhet me kod telefonik 383

Ky lajm, sipas  ministres për Dialog, Edita Tahiri përbën një të arritur historike për fushën e telekomit dhe fuqizon subjektivitetin ndërkombëtar të shtetit të Kosovës

Shtatëmbëdhjetë vjet pas përfundimi të luftës dhe tetë vjet pas shpalljes së pavarësisë, Republika e Kosovës zyrtarisht nga dosa e sotme bëhet me kodin e saj telefonik 383. Këtë njoftim e ka dhënë për opinionin kosovar, ministrja për Dialog, Edita Tahiri, e cila tha se ITU zyrtarisht alokoi kodin e ri.

“Po ashtu, bëjmë me dije opinionin se ITU në pajtim me marrëveshjen e telekomit ka publikuar kodin telefonik për Kosovën. Ky lajm përbën një të arritur historike për fushën e telekomit dhe fuqizon subjektivitetin ndërkombëtar të shtetit të Kosovës”, deklaroi Tahiri.

Siç ka deklaruar Tahiri, Republika e Kosovës është pronare e kodit telefonik 383 dhe Kosova do të ketë të gjitha të drejtat shtetërore që të administroj me kodin e vet telefonik sikur gjithë shtetet tjera.

“Kosova më në fund do ta kodin e vet telefonik ndërsa të gjitha kodet ekzistuese 381, 377, 386 do të shuhen”,ka thënë më herë ministrja Tahiri, sipas të cilës, kodi i ri i shuan të gjithë operatorët ilegal të telefonisë mobile dhe fikse të Serbisë në Kosovë.