Shteti që ofron transport publik falas

Estonia ka vendosur që të ofrojë transport falas për banorët e saj, raporton “Euronews”. Kjo do të vlejë për pjesën më të madhe të vendit, derisa pritet të fillojë nga 1 korriku i këtij viti.

Estonia është tashmë një lider botëror sa i përket transportit të lirë publik, pasi çmimet për autobusët, trenat dhe tramvajet u hoqën në vitin 2013 në kryeqytetin estonian Tallin, përcjell albinfo.ch.

Ky është shteti i parë, që ofron transport falas për banorët e saj. Tallin ishte kryeqyteti i parë evropian që i ofroi banorëve të tij një transport publik falas.

Qëllimi i kësaj nisme është zvogëlimi i ndotjes nga veturat dhe trafiku i rënduar.

Në vend të përdorimit të veturave, banorët do të nxiten t’i kthehen tramvajeve dhe autobusëve publik.